Tributo na Pader Amado Römer

Ta for di su mucha
te na edat avansá
el a purba kibra
piedra den kaminda
ku su piki religioso
pa su pueblo por kana
ku trankilidat.

Ta for di su mucha
te na edat avansá
el a purba kibra
piedra den kaminda
ku su piki religioso
pa su pueblo por kana
ku trankilidat.

Hopi bes, kansá,
el a sosegá djis un ratu
hisa kara na laria
pidi nubianan
ku ta pasa ayariba
puntra Tata pa mi
kiko mas mi tin ku hasi.
E piedranan ku mi kibra
ta brongosá mi mes.

Amado mes sa
ku su mishon no a kaba.
Su piki ta sigui koba
te despues di su tèrno.

Elis Juliana
17-04-2010